அழகு நிலையமொன்றினுள் இருந்து மணப்பெண்கள் உள்ளிட்ட 6 பேர் மயக்கமடைந்த நிலையிலிருந்து மீட்கப்பட்டுள்ள சம்பவம் ஒன்று பெரும் அதிர்ச்சியை ஏற்படுத்துள்ளது.
இந்த சம்பவம் மீரிகம பகுதியில் நேற்று இடம்பெற்றுள்ள நிலையில் பொலிஸார் தீவிர விசாரணையில் ஈடுபட்டுள்ளனர்.
அழகு நிலையத்தின் உரிமையாளர், மூன்று ஊழியர்கள் மற்றும் திருமணத்தின் பின்னரான வீட்டிற்கு வரும் விழாவிற்கு ஆடை அணிந்திருந்த இரண்டு மணப்பெண்கள் மயக்கம் அடைந்த நிலையில் மீட்கப்பட்டு வைத்தியசாலையில் அனுமதிக்கப்பட்டுள்ளனர்.
எனினும் அவர்கள் ஆபத்தான கட்டத்தில் இல்லையென வைத்தியசாலை வட்டாரங்கள் தெரிவித்துள்ளன.
இந்நிலையில் ஏர் கண்டிஷனர் மூலம் வெளியேறிய நச்சு வாயுவை அவர்கள் சுவாசித்திருக்கலாம் என்று சந்தேகிக்கப்படுகிறது.
மேலும் ஏர் கண்டிஷனருக்கு அருகில் வைக்கப்பட்டுள்ள ஒரு ஜெனரேட்டர் கட்டிடத்திற்குள் நச்சு வாயு பரவுவதற்கு காரணமாக இருக்கலாம் என்றும் , இதன் விளைவாக அவர்கள் மயக்கமடைந்திருக்கலாம் என முதற்கட்ட விசாரணையில் தெரிய வந்துள்ளதாக கூறப்படுகின்றது.
