சிவப்பு அரிசி ஊட்டச்சத்தும் அதிக சத்தும் நிறைந்தது என்பதோடு பாரம்பரியமான உணவும் கூட. இது வலுவானது.மற்ற அரிசி ரகங்களை காட்டிலும் சத்து கொண்டது.
நமது பாரம்பரிய அரிசி வகையில் சிவப்பு அரிசி முக்கியமானது இன்று பளபளக்கும் பாலீஷ் செய்யப்பட்ட வெள்ளை அரிசியில் மயங்கி இருக்கும் நாம் நம் பாரம்பரிய அரிசியான சிவப்பு அரிசியை பெருமளவு பயன்படுத்துவதில்லை. சிவப்பு அரிசி தரும் நன்மைகள் குறித்து தெரிந்துகொள்வோம்.
சர்க்கரை நோயாளிகளுக்கு நல்லது
பொதுவாக சர்க்கரை நோயாளிகள் அரிசி உணவை சாப்பிடவே கூடாது என்று சொல்வார்கள். ஆனால் சர்க்கரை நோயாளிகள் சிவப்பு அரிசியை எடுத்துகொள்ளலாம். இது உடலில் இருக்கும் நொதிகளுடன் இணைந்து செயலாற்றுகிறது. அதில் ஒன்று குளுக்கோஸ் மற்றும் இன்சுலின் சுரப்பு. இதில் இருக்கும் மெக்னீசியம் ஆனது இன்சுலின் சுரப்புக்கு உதவுகிறது.
சிவப்பு அரிசி சாப்பிடுபவர்களுக்கு டைப் 2 நீரிழிவு அபாயத்தை குறைக்க செய்கிறது. இதிலிருக்கும் குறைந்த கிளைசெமின் குறியீடு சர்க்கரை அளவை கட்டுப்படுத்த செய்வதால் இது சர்க்கரை நோயாளிகளுக்கு நன்மை செய்யகூடியது.
எடை இழப்புக்கு உதவும்
சிவப்பு அரிசி எடை இழப்பை ஊக்குவிக்கும் என்று சொல்லப்படுகிறது. இதில் உள்ள கொழுப்பு பூஜ்ஜியம் அளவு என்பதால் இதன் நுகர்வு உடலில் எடையை அதிகரிக்க செய்யாது. அரிசியின் வெளிப்புற அடுக்கு அப்படியே வைக்கப்படுவதால் இது நார்ச்சத்தின் கரையக்கூடிய மற்றும் கரையாத இரண்டையும் கொண்டுள்ளது. உடலில் சேரும் உயர் கொழுப்புகளை கட்டுப்படுத்த அதிலிருந்து விடுபட சிவப்பு அரிசியை பயன்படுத்துவது நல்லது.
சிவப்பு அரிசியில் மட்டும் தான் வைட்டமின் இ உள்ளது. இது உடலில் இருக்கும் எல் டிஎல் என்னும் கெட்ட கொழுப்பை குறைக்க செய்கிறது. சிவப்பு அரிசியில் இருந்து தயாரிக்கப்பட்ட எண்ணெயை பரிசோதித்ததில் இதை பயன்படுத்தியவர்களுக்கு உடலில் எல்டிஎல் கொழுப்பு குறைந்தது கண்டறியப்பட்டது.
மேலும் இது இதய ஆரோக்கியத்துக்கும் நன்மை செய்யகூடியதாக இருக்கிறது. இதில் உள்ள மொனோக்கோலின் கெட்ட கொழுப்பை குறைக்க உதவுகிறது. இது ரத்த கொழுப்பை குறைக்கும் மாத்திரைகளில் சேர்க்கப்படுகிறது குறிப்பிடத்தக்கது.
செரிமானத்தை மேம்படுத்தும்
அன்றாடம் உடல் வேலை செய்ய தேவையான ஆற்றலை இது வழங்குகிறது. இது நார்ச்சத்து கொண்டிருப்பதால் மலச்சிக்கல் இல்லாமல் வைத்துகொள்ளும். இதன் சத்துக்கள் அனைத்தும் மாவுப்பொருள்களாக உடலில் சென்று சேமிக்கப்படுகிறது. சிவப்பு அரிசி செரிமானத்தன்மையை மேம்படுத்தகூடியது இது உடலில் உள்ள நச்சுக்களை வெளியேற்றி குடல் இயக்கங்களை எளிதாக்குகிறது. இதனால் மலச்சிக்கல் பிரச்சனை வருவதற்கான வாய்ப்புகள் இல்லை.
மெனோபாஸ் அறிகுறி பெண்களுக்கு
மாதவிடாய் சுழற்சி முடியும் நிலையில் இருக்கும் பெண்களுக்கு மெனோபாஸ் கால அறிகுறிகள் மிதமாகவோ தீவிரமாகவோ இருக்கும். இந்நிலையில் அடிக கொழுப்பு, உயர் ரத்த அழுத்தம், இதய நோய் போன்றவை வருவதற்கான வாய்ப்புகள் உண்டு. இது எலும்பு தேய்மானத்தை தடுக்கும். இதனால் மூட்டு வலி, முடக்குவாதம் வருவதற்கான வாய்ப்புகள் பெருமளவு தவிர்க்கப்படும்.
பெண்களுக்கு இரும்புச்சத்து குறைபாடு இரத்த சோகை பிரச்சனைக்கு தீர்வளிக்க கூடும். எலும்புகள் மற்றும் பற்களை பராமரிக்கவும் செய்கிறது.இது கீல்வாதம் மற்றும் ஆஸ்டியோபொராசிஸ் பிரச்சனைகளை தடுக்க செய்கிறது.
ஆஸ்துமாவுக்கு நல்லது
சிவப்பு அரிசி நுரையீரலை பாதுகாக்கும் சத்துகளை உள்ளடக்கியுள்ளது. இதில் இருக்கும் மெக்னீசியம் ஆஸ்துமாவின் தீவிரத்தை கட்டுப்படுத்தக்கூடும். இதிலிருக்கும் செலினியம் தொற்றுநோய்கள் உடலில் அண்டாமல் பாதுகாக்க செய்கிறது.
இதயத்துக்கு நன்மை செய்கிறது
மற்ற அரிசியில் இல்லாத அளவுக்கு இதில் வைட்டமின் பி 1, பி3 பி6, இரும்புச்சத்து மெக்னீசியம், துத்தநாகம், மாங்கனீசு, செலினியம், பாஸ்பரஸ் போன்ற கனிமங்கள் மிகுதியாகவே நிறைந்துள்ளது. இதில் இருக்கும் ஆன் டி ஆக்ஸிடண்ட் இதயத்துக்கு நன்மை செய்யகூடியது.
இதில் இருக்கும் வைட்டமின் இ உடலில் ஆற்றல் கொண்ட ஆன் டி ஆக்ஸிடண்ட் உடன் இணைந்து செயல்படும் போது அது இதய நோய்கள் வராமல் இதயத்துக்கு பாதுகாப்பு அளிக்கிறது.
சருமத்துக்கு நன்மை பயக்கிறது
சிவப்பு அரிசி உடல் ஆரோக்கியம் போன்று சருமத்துக்கும் அதிக நன்மைகளை செய்கிறது. இது சரும ஆரோக்கியத்துக்கு முக்கியமானதாக சொல்லப்படுகிறது. சிவப்பு அரிசியில் உள்ள ஆன் டி ஆக்ஸிடண்ட்கள் ஃப்ரீ ரேடிக்கல்கலை எதிர்த்து போராட செய்கிறது. இதனால் சருமம் வயதான தோற்றத்தை தள்ளிப்போக்க செய்கிறது. மேலும் சரும சுருக்கம் மற்றும் புற ஊதா கதிர்களின் தாக்கத்தால் உண்டாகும் பாதிப்பை குறைக்கும்.
பொதுவாக நெல்லில் வெளியே இருப்பது உமி, உள்ளே இருப்பது தவிடு, அதனுள் கரு, கடைசியாகத்தான் மாவுப்பொருள் என நான்கு பகுதிகள் இருக்கும். நாம் மூன்றையும் வெளியேற்றி சத்தில்லாத மாவுப்பொருளை தான் எடுத்துகொள்கிறோம். ஆனால் சிவப்பு அரிசியில் சத்துக்கள் அனைத்தும் மாவுச்சத்தில் சென்று சேர்க்கப்படுவதால் இதை தீட்டிய பிறகும் நாம் சத்தை பெற்றுவிட முடியும்.
