இலங்கையில் சமையல் எரிவாயுவுக்கான தட்டுப்பாடு ஏற்படும் என தகவல்கள் வெளியாகியுள்ளன.
மேலும் சந்தை வட்டாரங்களின் தகவலின்படி இந்த மாத இறுதிக்குள் நாடு முழுவதும் மக்கள் கடுமையான எரிவாயு பற்றாக்குறையை சந்திக்க நேரிடும் என்றும் தெரிவிக்கப்பட்டுள்ளது.
அத்தோடு டிசம்பர் 2019 இல் 440 அமெரிக்க டொலராக இருந்த எரிவாயுவின் விலை பெப்ரவரி மாத இறுதியில் உலக சந்தையில் 604 அமெரிக்க டொலராக உயர்ந்துள்ளது.
எனவே 12.5 கிலோ எரிவாயுவுக்கு 770 ரூபாய் இழப்பு ஏற்பட்டுள்ளது.மேலும் ஒரு சிலிண்டரின் தற்போதைய விலை ரூ .ஆயிரத்த 493 ஆகும். எனினும் இதை 2 ஆயிரத்து 148 ஆக உயர்த்த கோரிக்கை விடுக்கப்பட்டுள்ளது.
மேலும் எரிவாயு நிறுவனங்கள் கோரியதற்கு அரசாங்கம் சரியாக பதிலளிக்கவில்லையென்றும் விலை அதிகரிக்கப்படாதென்றும் தெரிவிக்கப்பட்டு இருந்தமை குறிப்பிடத்தக்கது.
