உலகின் தேடுபொறி மற்றும் தொழில்நுட்ப நிறுவனமான கூகுள் தனது Chrome Browser-ஐ உடனே அப்டேட் செய்யுமாறும், இல்லையெனில் டெலிட் செய்யுமாறு கேட்டுக்கொண்டதோடு மட்டுமில்லாமல் புதிய அப்டேட்டையும் வெளியிட்டுள்ளது.
ஆனால், புதிய அப்டேட் வெளியாவது சகஜம் தானே? அதை உடனே அப்டேட் செய்யமாறு கேட்கும் அளவிற்கு என்ன சிக்கல்? என்கிற கேள்வி உங்களுக்குள் எழலாம். அதற்கான பதில் என்னவென்றால், வெளியாகியுள்ள லேட்டஸ் கூகுள் க்ரோம் ப்ரவுஸர் அப்டேட் உடன் நிறுவனம் ஒரு சில பாதுகாப்பு குறைபாடுகளை சரி செய்துள்ளது.
முன்னதாக க்ரோம் ப்ரவுஸரில் ஏதோ குறைபாடு இருந்துள்ளது. அதை சரி செய்யும் Update தான் தற்போது வெளியாகியுள்ளது.
மேலும், ஆண்ட்ராய்டு போலீஸ் வலைத்தளம் வழியாக வெளியான அறிக்கையின்படி, கூகுள் சரி செய்துள்ள பாதுகாப்பு குறைபாடானது Zero-day vulnerability என்று அழைக்கப்படுகிறது. இது தீங்கு விழைவிக்கும் மால்வேர்களை ப்ரவுஸரில் கட்டவிழ்த்து விண்டோஸ், மேக்ஓஎஸ் மற்றும் லினக்ஸ் வெர்ஷன்களை பாதிக்கின்றன.
லேட்டஸ்ட் அப்டேட்டை வெளியிடுவதன் மூலம் கூகுள் தனது Chrome ப்ரவுஸரின் பாதுகாப்பு குறைபாடுகளை Android சாதனங்கள் மற்றும் டெஸ்க்டாப் கம்பியூட்டர்களுக்காக சரிசெய்துள்ளது.
இந்த அப்டேட்டை பெறாத சாதனங்கள் இன்னுமும் ஹேக்கர்களால் குறிவைக்கப்படுகின்றன. குறிப்பிட்ட சாதனங்களில் லேட்டஸ்ட் செக்யூரிட்டி பக்ஸ் சார்ந்த திருத்தம் இல்லாததால் அவைகளை குறிவைப்பது எளிது என்றும் வெளியான அறிக்கையில் குறிப்பிடப்பட்டுள்ளது.
இந்த “பாதுகாப்பு ஓட்டை” வழியாக என்னென்ன சென்றுள்ளது என்பதை வெளிப்படுத்துவதற்கு முன்பு, அதிகபட்ச பயனர்கள் தங்கள் சாதனங்களில் Chrome ப்ரவுஸரை அப்டேட் செய்ய வேண்டும் என்று கூகுள் நிறுவனம் நினைக்கிறது; காத்திருக்கிறது என்றும் வெளியான அறிக்கை கூறுகிறது.
இருந்தாலும், இரண்டு பாதுகாப்பு ஆராய்ச்சியாளர்கள் இந்த குறைபாட்டை அடையாளம் கண்டுள்ளனர். இது ஒரு கடுமையான பாதுகாப்பு குறைபாடு என்று கூகுள் கூறுகிறது, பயனர்கள் தங்கள் சாதனங்களை விரைவில் அப்டேட் செய்ய வேண்டும்.
இந்த அப்டேட் கூகுள் பிளே ஸ்டோர் வழியாக கிடைக்கிறது. மறுகையில் உள்ள டெஸ்க்டாப் பயனர்கள் க்ரோம் ப்ரவுஸரில் மேல் வலது மூலையில் உள்ள மூன்று புள்ளி ஐகானை கிளிக் செய்து ஹெல்ப் என்கிற விருப்பத்திற்கும் நுழைந்து, பின்னர் About Chrome என்பதை கிளிக் செய்து லேட்டஸ்ட் அப்டேட்டை பெறலாம்.
