கள்ளக்காதலருடன் தனிமையில் இருப்பதற்கு தடியாக இருந்த கணவரை மனைவி ஒருவர் உணவில் விஷம் வைத்து கொலை செய்துள்ளது அதிர்ச்சியை ஏற்படுத்தியுள்ளது.
சூளைமேடு கண்ணகி தெருவைச் சேர்ந்த பெயிண்டர் செல்வம்(40). இவரது மனைவி விஜயலட்சுமி(38). இந்த தம்பதிக்கு இரண்டு பெண் குழந்தைகள் உள்ளனர்.
இருவருக்குள்ளும் அடிக்கடி சண்டை நடந்து வந்த நிலையில் மோகன்(54) என்பவர் விஜயலட்சுமிக்கு பழக்கமாகி அது கள்ளக்காதலாக மாறியதுடன், இருவரும் பலமுறை தனிமையில் இருந்துள்ளனர்.
இந்த விடயம் கணவருக்கு தெரியவரவே இவர்களின் சந்திப்பிற்கு சிக்கல் ஏற்பட்டுள்ளது. இதனால் கணவரை காதலனுடன் சேர்ந்து கொலை செய்ய திட்டமிட்டு, காதலன் பூச்சி மருந்து வாங்கி கொடுக்க அதனை சாப்பாட்டில் கலந்து மனைவி விஜயலட்சுமி கொடுத்துள்ளார்.
சாப்பிட்ட சிறிது நேரத்தில் கணவர் மயங்கவே உடனே மருத்துவமனைக்கு கொண்டு சென்று தனது நாடகத்தை தொடர்ந்துள்ளார். அங்கு கணவர் சிகிச்சை பலனின்றி உயிரிழந்த பின்பு, அதிகமாக குடித்து இவ்வாறு இறந்துவிட்டார் என்று அழுது ஆர்ப்பாட்டம் செய்துள்ளார்.
ஆனால் உறவினர்களுக்கு செல்வம் இறப்பில் சந்தேகம் எழவே, பிரேத பரிசோதனைக்கு அனுப்பிவைத்துள்ளனர். பரிசோதனையில் விஷம் வைத்து கொலை செய்துள்ளது அம்பலமாகியுள்ளது.
இந்நிலையில் தனது இரண்டு குழந்தைகளை உறவினர் வீட்டில் விட்டுவிட்டு, கள்ளக்காதலருடன் தலைமறைவான விஜயலட்சுமி மீது சந்தேகம் எழுந்த நிலையில், அவர்களைப் பிடித்து விசாரித்துள்ளனர். அப்போது கொலை செய்த உண்மையை ஒப்புக்கொண்டுள்ளார்.
மேலும் கள்ளக்காதலன் மோகன் கன்னியாகுமரி மாவட்டம் தோவாளை பகுதியை சேர்ந்த கொடூர குற்றவாளி என்பதும் அவர் மீது 7 கொலை வழக்குகள் 4 கொலை முயற்சி வழக்குகள் நிலுவையில் இருக்கின்றன என்றும் தெரியவந்திருக்கிறது. குற்றவாளிகள் இருவரையும் சிறையில் அடைக்கப்பட்டுள்ளனர்.
