வாராஹி அம்மன் சப்த கன்னியர்களில் ஒருவள். இவளே அன்னை பராசக்தியின் போர் படை தலைவியாக இருந்து வழிபடத்தியவள்.
வாராஹியை வழிபடுவதால் கடன்கள் தீரும், எதிரிகள் தொல்லை அகலும், எந்த விதமான கஷ்டமாக இருந்தாலும் வாராஹியை வழிபட்டால் அந்த கஷ்டங்கள் இருந்த இடம் தெரியாமல் போய் விடும்.
வட திசைக்கு உரிய தெய்வமாகவும் வாராஹி அம்மன் போற்றப்படுகிறாள்.
பன்றி முகமும், பெண் உடலும் கொண்ட வாராஹியை மகாகாளியின் அம்சம் என்றும் சொல்வார்கள்.
வெற்றியை தரும் தெய்வமாகவும், பிரச்சனைகள், வழக்குகளை தீர்த்து வைக்கும் தெய்வமாக இவளே விளங்குகிறாள்.
வாராஹி வழிபாடு
வாராஹி என்ற தெய்வம் சோழர்கள் போருக்கு செல்வதற்கு முன் வழிபட்ட தெய்வம் என்பதும் அந்த தெய்வத்தை எப்படி வழிபட வேண்டும்.
ஆடி மாத பஞ்சமி
அம்மனை வழிபடுவதற்கு உரிய ஆடி மாதத்தில், அம்பிகையின் போர் படை தலைவியான வாராஹியை வழிபடுவது மிகவும் சிறப்பானதாகும்.
வாராஹியை வழிபடுவதற்க மிகவும் ஏற்ற திதி பஞ்சமி திதியாகும்.
இந்த பஞ்சமி திதி ஆடி மாதத்தில் ஆகஸ்ட் 06 ம் தேதி ஞாயிற்றுக்கிழமையன்று வருகிறது. அதுவும் தேய்பிறை பஞ்சமியாக வருகிறது.
கஷ்டங்கள் தீர வேண்டும், கடன்கள் தீர வேண்டும் என நினைப்பவர்கள் வாராஹி அம்மனை தேய்பிறை பஞ்சமி திதியில் வழிபடுவது சிறப்பானதாகும்.
வீட்டில் வாராஹியை வழிபடும் முறை
வாராஹி அம்மன் எளிமையான தெய்வம் என்பதால் வீட்டிலேயே எளிமையான முறையில் அவளை வழிபடலாம்.
வீட்டில் தனியாக பூஜை அறை உள்ளது. சுத்தமாக தினமும் பூஜைகள் செய்ய முடியும்.
நைவேத்தியங்கள் படைக்க முடியும் என்பவர்கள் வாராஹியின் படம் அல்லது விக்ரஹத்தை வீட்டில் வைத்து வழிபடலாம்.
அப்படி முடியாதவர்கள், வாராஹியின் படம் கூட இல்லாதவர்கள் எளிமையாக ஒரு அகல் விளக்கு அல்லது தினமும் ஏற்றும் விளக்கில் நெய் விட்டு ஏற்றி, அதில் வாராஹியை எழுந்தருளும் படி வேண்டிக் கொண்டு வழிபாடு செய்யலாம்.
நைவேத்தியம்
சிவப்பு நிற மலர்கள் அல்லது வாசனையான மலர்கள் சாற்றி, சர்க்கரை பொங்கல், தயிர் சாதம், தேன், கருப்பு உளுந்துடன் மிளகு சேர்த்த வடை, மாதுளம் பழம் என வாராஹிக்கு நைவேத்தியமாக படைக்கலாம்.
முடியாதவர்கள் எளிமையாக சர்க்கரைவல்லி கிழங்கு, மரவல்லி கிழங்கு என ஏதாவது ஒரு கிழங்கை அவித்து வைத்து நைவேத்தியமாக படைக்கலாம்.
வாராஹிக்கு உரிய மந்திரங்களை 108 முறை சொல்லி உங்களின் கோரிக்கை எதுவாக இருந்தாலும் அதை சொல்லி முறையிட்டால் உடனடியாக வாராஹி அதை நிறைவேற்றி வைப்பாள்.
உண்மை, தூய அன்புடன் வாராஹியை அழைத்து நம்முடைய கஷ்டங்களை சொல்லி அதை தீர்த்து வைக்கும் படி முறையிட்டால் வாராஹி நிச்சயம் வீட்டில் எழுந்தருளி உங்களின் பிரச்சனைகள் கஷ்டங்களை தீர்த்து வைப்பாள்.
