விஜய்யின் GOAT திரைப்படம் விநாயகர் சதுர்த்தியை முன்னிட்டு திரையில் வெளியானது. வெங்கட் பிரபு இயக்கத்தில் யுவன் ஷங்கர் ராஜாவின் இசையில் மிகப்பெரிய எதிர்பார்ப்பிற்கு மத்தியில் வெளியான GOAT திரைப்படம் ரசிகர்களின் பேராதரவை பெற்றது. மேலும் வசூலும் எதிர்பார்த்த அளவிற்கு இருந்தது.
இருப்பினும் தமிழ்நாட்டை போல அண்டை மாநிலங்களில் GOAT படத்திற்கு எதிர்பார்த்த வரவேற்பு இல்லை. வசூலும் அண்டை மாநிலங்களில் மிகவும் குறைவாகவே இருந்தது. இந்நிலையில் திரையில் வெளியாகி கிட்டத்தட்ட மூன்று வாரங்களுக்கு மேல் ஆன நிலையில் தற்போது GOAT படத்தின் OTT ரிலீஸ் எப்போது என்பதை பற்றிய தகவல் வெளியாகியிருக்கிறது. அதன்படி GOAT திரைப்படம் அக்டோபர் 10 ஆம் தேதி ஆயுத பூஜையை முன்னிட்டு OTT யில் வெளியாக இருப்பதாக தகவல்கள் வருகின்றன. ஆனால் இத்தகவல் அதிகாரபூர்வமாக அறிவிக்கப்படவில்லை.
GOAT திரைப்படம் அக்டோபர் 10 ஆம் தேதி OTT யில் வெளியாகும் என தகவல் வந்துள்ளது. ஆனால் அதே நாளில் ரஜினிகாந்த் நடிப்பில் உருவாகியிருக்கும் வேட்டையன் திரைப்படம் திரையில் வெளியாகவுள்ளது. எனவே GOAT OTT ரிலீஸ் பற்றிய தகவலை கேள்விப்பட்ட ரசிகர்கள் பலரும் ரஜினியுடன் விஜய் மோத இருப்பதாக கூறி வருகின்றனர். என்னதான் வேட்டையன் திரையில் வெளியானாலும் GOAT OTT யில் வெளியானாலும் இதனை ஒரு மோதலாகவே ரசிகர்கள் பார்க்கின்றனர்.
ஒருவேளை இந்த தகவல் உண்மையாகும் பட்சத்தில் GOAT அக்டோபர் 10 ஆம் தேதியே வெளியானால் விஜய் மற்றும் ரஜினி ரசிகர்கள் இடையே மீண்டும் மோதல் வெடிக்கும் வாய்ப்பும் இருக்கும் என்றே தெரிகின்றது. இருப்பினும் வேட்டையன் தியேட்டரிலும் GOAT OTT யிலும் வெளியாவதால் மிகப்பெரிய அளவில் மோதல்கள் இருக்காது என்றே தெரிகின்றது. ரஜினி ரசிகர்கள் வேட்டையன் ரிலீஸிலும் விஜய் ரசிகர்கள் goat OTT ரிலீஸிலும் பிசியாக இருப்பார்கள் என்றே தெரிகின்றது.
விஜய் மற்றும் வெங்கட் பிரபு கூட்டணியில் வெளியான GOAT திரைப்படம் முதல் நாளே 126 கோடி வசூலித்தது. இதைத்தொடர்ந்து இப்படம் ஆயிரம் கோடி வசூலை பெரும் என பலராலும் எதிர்பார்க்கப்பட்டது. ஆனால் GOAT திரைப்படத்தால் ஆயிரம் கோடி சாதனையை எட்டமுடியவில்லை. இருப்பினும் இப்படம் நல்ல வசூலையே பெற்று வருகின்றது. GOAT திரைப்படம் இதுவரை 500 கோடிக்கு மேல் வசூலித்து இருக்கின்றது. மேலும் தமிழ்நாட்டில் மட்டும் GOAT திரைப்படம் 200 கோடி வசூலித்துள்ளது. தமிழ்நாட்டில் கிடைத்த வரவேற்பு அண்டை மாநிலங்களிலும் கிடைத்திருந்தால் இப்படத்தின் வசூல் மேலும் அதிகரித்துக்கும் என்றே சொல்லப்படுகின்றது. இருப்பினும் ஒட்டுமொத்தமாக GOAT திரைப்படம் வெற்றிப்படமாகவே அமைந்துள்ளது என்பது குறிப்பிடத்தக்கது.
GOAT திரைப்படம் என்னதான் ஆயிரம் கோடி வசூலை பெறவில்லை என்றாலும் படக்குழு மகிழ்ச்சியாக இருப்பதாகவே தகவல்கள் வருகின்றன. ரிலீசுக்கு முன்பே GOAT திரைப்படம் நூறு கோடிக்கு மேல் லாபம் எட்டியிருந்ததாக தயாரிப்பாளர் கூறியிருந்தார். அதனைத்தொடர்ந்து இதுவரை 500 கோடிக்கு மேல் இப்படம் வசூலித்தது. குறிப்பாக ரசிகர்களால் கொண்டாடப்படும் படமாக GOAT அமைந்தது. என்னதான் இப்படத்தின் மீது ஒரு சில குறைகள் சொல்லப்பட்டாலும் பெரும்பாலான ரசிகர்களுக்கு GOAT திரைப்படம் திருப்தியை கொடுத்துள்ளது.
தியேட்டரில் பார்த்து கொண்டாடப்படும் வகையில் படத்தில் பல விஷயங்கள் இருந்தன. ஆனால் தியேட்டரில் கொண்டாடப்பட்டதை போல இப்படம் OTT யிலும் கொண்டாடப்படுமா ? என்பதை நாம் பொறுத்திருந்து தான் பார்க்கவேண்டும். தற்போது எல்லாம் திரையில் வெற்றிபெற்ற திரைப்படங்கள் OTT யில் கடுமையான விமர்சனங்களுக்கு உண்டாகியுள்ளது. எனவே GOAT OTT யிலும் கொண்டாடப்படுமா ? என ரசிகர்கள் எதிர்பார்த்து இருக்கின்றனர் என்பது குறிப்பிடத்தக்கது
