மாத்தறையில் 11 வயது மாணவியொருவர் கடலில் மூழ்கி உயிரிழந்தார்.சக மாணவிகளுடன் கடற்கரைப் பாறையில் நின்று செல்பி எடுத்துக்கொண்டிருந்தபோது கடலலை வீசியதால் நீரில் இழுக்கப்பட்டு மூழ்கி உயிரிழந்தார் என்று பொலிஸார் தெரிவித்தனர்.
அவரது பிறந்த தினத்தில்தான் சம்பவம் நடைபெற்றது என்று விசாரணை யில் உறவினர்கள் தெரிவித்தனர்.
மாத்தறை, கந்தர பிரதே சத்தில் நேற்றுமுன்தினம் சம்பவம் இடம்பெற்றது. நுகேகொட, கங்கொடவில பிரதேசத்தைச் சேர்ந்த ருஸ்தி தருமினி ஜயசிங்க என்ற மாணவியே இவ்வாறு உயிரிழந்தார். தமிழ் – சிங்கள புத்தாண்டைக் கொண்டாட அவர் தனது உறவினர் வீடொன்றுக்கு சென்றுள்ளார். பின்னர் நண்பிகளுடன் இணைந்து மாணவி கடற்கரைக்குச் சென்றுள்ளார்.
இவருடன் 7 பேர் அதே கடற்பாறையின் மீது நின்று செல்பி எடுத்துள்ளனர். திடீரென வந்த பெரிய அலையொன்றால் அவர் கள் கடலுக்குள் அள்ளுண்டு சென்றுள்ளனர். 6 பேர் சிறுகாயங்க ளுடன் தப்பிக் கரைசேர்ந்தபோதும் குறித்த மாணவி நீரில் மூழ்கி உயிரிழந்தார்” என்று பொலிஸார் மேலும் தெரிவித்தனர்.
